मला नाही येत😄

तुला येतं छान वाचणं, लिहिणं मला नाही येत

भावनांना शब्द देऊन वाहणं, मला नाही येत

कितीदा मोहरता येतं कितीदा बहरता येतं

पण तुझ्या बागेतलं फुल होणं, मला नाही येत

युगांतरांचे योग असतात भेटीगाठींचे

तुला येतं न येणं, मला नाही येत

तुला भजता भजता स्वतःचाच न राहिलो

तुझं असूनही तुझं होणं, मला नाही येत

वादळांतही राहू शकतो मी अगदी ठाम उभा

पण तू जाताना स्वतःला सावरणं, मला नाही येत

आनंदाच्या यात्रेवर चालतोच आहे कधीचा

मुक्कामाचं गाव गाठणं, मला नाही येत

जगाला ओरडून सांगतो, सगळं येतं मला

पण तुला माहीत आहे, मला नाही येत

..