उरले उरात काही आवाज चांदण्यांचे,
ही रात्र निजायाची, हे स्वप्न जागण्याचे
उरले उरात काही आवाज चांदण्यांचे,
ही अट मुकेपणाची, हे गुज सांगण्याचे
उरले उरात काही आवाज चांदण्यांचे,
हा ठराव थांबायचा, हे संकेत वाहण्याचे
उरले उरात काही आवाज चांदण्यांचे,
हा ऋतू सावरण्याचा, हे वय पांगण्याचे
उरले उरात काही आवाज चांदण्यांचे,
हा उमाळा तुटणारा, हे श्वास बांधण्याचे
उरले उरात काही आवाज चांदण्यांचे,
हा इशारा सलगीचा, हे बहाणे लाजण्याचे
उरले उरात काही आवाज चांदण्यांचे,
हा हुंदका फुटणारा, हे कढ थांबण्याचे
उरले उरात काही आवाज चांदण्यांचे,
हा जोगवा दयेचा, हे शाप भोगण्याचे
..
कोणत्याही टिप्पण्या नाहीत:
टिप्पणी पोस्ट करा